Luajtëm mirë, jam shumë i lumtur

Përzgjedhësi i kuqezinjëve, Gianni De Biasi, ka shprehur kënaqësinë e tij me rastin e fitores së kombëtares kuqezi ndaj një ekipi të fortë siç është Franca.

“E rëndësishme është se të gjithë jemi duke luajtur mirë. E gjitha skuadra ka luajtur shumë mirë sot, unë jam shumë i lumtur. Kaçe bëri një goditje të shkëlqyer. Ai është një lojtar i cili gjatë gjithë kohës e jep maksimumin e tij dhe ka një të ardhme të madhe në kombëtare,” tha De Biasi, pas ndeshjes.

Raporti i plotë i ndeshjes.

Shqipëria e mposhti Francën me rezultat minimal 1-0, me një supergol të shënuar nga Ergys Kaçe nga gjuajtja e lirë.

Kjo ishte fitorja e parë në historinë e Shqipërisë ndaj Francës.