Magani vendimtar, Liria 4 pikë larg kreut

Me fitore ka nisur stinori pranveror për Lirinë.

Skuadra prizrenase sot triumfoi me rezultat 2-1 ndaj Vllaznisë së Pozheranit, ndërsa vendimtar në këtë fitore ishte Artur Magani.

Pjesa e parë u mbyll pa gola, pjesë në të cilën për t’u veçuar është shtylla e goditur nga Meriton Korenica në minutën e 9’, ndërsa në pjesën e dytë Liria u ‘ringjall’ me t’u inkuadruar Artur Magani nga banka rezervë. Lojtari në fjalë shënoi 2 herë në minutat 51’ e 60’, ndërsa goli i vetëm i mysafirëve nga Orhan Miftari në minutën e 53’ ishte i pamjaftueshëm që mysafrët të dilnin me pikë nga ky takim.

TABELA AKTUALE SUPERLIGA

Kjo fitore bën që Liria të jetë 4 pikë larg kreut, derisa Vllaznia mbetet akoma e fundit në klasifikim.