LEGJENDA
Magic Johnson/ REUTERS/ Arkiv
Magic Johnson kthehet te Lakers
22 February, 2017 @8:29
Legjenda e Los Angeles Lakersit, Magic Johnson, është kthyer në skuadër por kësaj radhe do t’i ndihmojë ekipit jashtë parketit.
Johnson do të jetë kryetar dhe përgjegjës për organizime në basketboll.
Magic Johnson ka thënë se ëndrrat e tij janë bërë realitet me rikthimin e tij në Lakers.
“Që nga viti 1979 jam pjesë e Lakersit. Do të bëj gjithçka, për ta rikthyer kulturën e të fituarit në skuadër, ne kemi një trajner të mrekullueshëm së bashku me talentë të ri në skuadër, së bashku do ta bëjmë kampion Lakersin”.
Sot 57 vjeçari Johnson, gjatë karrierës së tij 13 vjeçare në NBA nuk ka luajtur për asnjë skuadër tjetër pos Los Angeles Lakers, me të cilët ka fituar edhe 5 tituj kampioni të NBA-së.
