Mbappe në dyshime

Sulmuesi i Paris Saint Germain, Kylian Mbappe është në dyshime për ndeshjen në Etihad Stadium, kundër Manchester City, pasi nuk mori pjesë në fitoren e ligës, ndaj Lens pas një lëndimi.

Sipas disa pamjeve që kanë qarkulluar nëpër rrjete sociale, Mbappe shihet duke çaluar në mbërritjen e tij në Manchester, por i mbetet Pochettinos për të vendosur nëse francezi do të luajë apo jo.

Ai tha: “Ne duhet të vlerësojmë Kylian. Ai do të fillojë një seancë stërvitore individuale dhe të shohë nëse mund të jetë me ekipin”.

Ndeshja e parë në mes PSG dhe Manchester City përfundoi 1:2 në Parc des Princes, ndeshja e dytë gjysmëfinale zhvillohet sot, në orën 21:00.