Memushaj: I zhgënjyer me humbjen, nuk e prisja nga tifozët

Përveç Migjen Bashës, nga lojtarët e Kombëtares për Supersport foli edhe Ledian Memushaj.

“Kemi luajtur një pjesë të parë shumë të mirë, kishim raste për ta barazuar apo edhe për të shkuar në avantazh. Nuk shënuam dhe në rastin e parë Italia na bëri direkt gol.

Në pjesën e dytë nuk ishim njëlloj. Goli i dytë i Italisë na humbi çdo shpresë.” - ishin fjalët e Memushajt, transmeton Panorama.

Sa i përket incidentit me tifozët, Memushaj shtoi:

“Më erdhi pak keq për tifozët tanë, që janë special. Të them të drejtën nuk e prisja, por janë gjëra që ndodhin në futboll. Aty ishin edhe “Tifozat Kuq e Zi” që desha t’i falënderoja, se në një moment të vështirë më kanë qëndruar afër.”