Meriton Korenica për fitore, Ballkani marshon drejt titullit

Pas fitores në tavolinë ndaj Gjilanit, sot Ballkani shënoi një tjetër fitore të rëndësishme në luftën për titullin kampion.

Me shumë mund, sot Ballkani triumfoi në Klinë me rezultat 0-1 (Meriton Korenica 81’), për t’u kthyer kështu me pikë të plota në Suharekë.

Pjesa e parë e ndeshjes u mbyll pa gola, ndërkohë që fitoren Ballkani e gjeti në pjesën e dytë.

TABELA AKTUALE

Dukagjini u mbajt mirë deri 10 minuta para fundit të ndeshjes, por suharekasit e thyen rezistencën klinase në minutën e 81’. Pas asistimit të Nazmi Gripshit, rrjetën në minutën e 81’ e gjeti Meriton Korenica, e me këtë gol Ballkani arriti ta mbyllë këtë përballje me fitore.

Vlen të përmendet që Dukagjini 30 minutat e fundit të ndeshjes i luajti me një lojtar më pak në fushë, pasi që Bujar Shabani (63’) u përjashtua pas dy kartonëve të verdhë, duke ia lehtësuar gjërat Ballkanit në çerekun e fundit të ndeshjes.

Kështu, Ballkani vazhdon marshimin drejt titullit kampion, kurse Dukagjini për momentin ndodhet i teti në renditje.