MICHEL PLATINI
Messi e meriton
29 November, 2012 @14:57
Ish lojtari i Juventusit, tash kryetar i Federatës europiane të futbollit, Michel Platini, i cili gjatë karrierës së tij ka fituar tre herë Topin e Artë, nuk do të ndihet keq nëse Messi ia kalon.
“Rekordet janë për t’u thyer. Nëse Messi e fiton edhe njëherë këtë, ai e fiton sepse e meriton. Ai i ka vetëm 25 vjet dhe ka çdo mundësi për të qenë vetë historia e futbollit,” ka thënë Platini për Ouest France.
Lionel Messi ka mundësi që të bëhet fituesi i parë i katërfishtë i këtij trofeu që ndahet në fund të vitit. Kandidatët e listës së ngushtë për të fituar këtë trofe do të shpallen në Sao Paulo.