Messi vendos El Clasicon në sekondë të fundit!

Një magji e sekondave të fundit të ndeshjes nga Lionel Messi ka bërë që Barcelona të barazohet me pikë me Real Madridin në krye të La Ligas, pas fitores 2-3 në “Santiago Bernabeu”, që ka qenë e para pas 2 viteve për katalonasit.

Real Madridi morri epërsinë i pari përmes Casemiros, ndërsa Messi u kujdes që ekipet të shkojnë në pushim me barazim, 1-1.

Pjesa e dytë nisi me Realin më kërkues, por Barcelona avancoi kur Ivan Rakitic me të majtën e tij shënoi për 1-2.

TABELA AKTUALE

Zinedine Zidane futi në ndeshje kolumbianin James Rodriguez, derisa ekipi i Realit mbeti me 10 veta, kur Sergio Ramos u ndëshkua me të kuqe nga referi pas një starti me dy këmbë në drejtim të Messit.

Rodriguez mashtroi mbrojtjen e Barcelonës dhe duke i ikur mbrojtësve barazoi për 2-2.

E krejt në fund, kur u mendua se ekipet do të ndanin pikët nga ndeshja, Sergi Roberto me një vrap të madh çoi topin nga fusha e tij te gati 16-shja e Realit, pasoi për Andre Gomesin që priti Jordi Alban, e ky asistoi menjëherë për Messin, i cili nga gëzimi hoqi fanellën, u tregoi të gjithëve në stadium atë, morri kartonin e verdhë nga referi dhe e festoi fitoren që u jep shpresa për titull, edhepse Reali ka një ndeshje më pak të zhvilluar aktualisht në La Liga.

Lionel Messi GOAL HD - Real Madrid 2-3… by brilche