EUROPA LEAGUE

Momenti i sigurisë

8 November, 2012 @13:37

Mbrojtësi i titullit në Europa League, Atletico Madrid, ish kampioni françez, Lyon dhe ekipi rus Dnipro janë të vetmet ekipe që deri më tani kanë regjistruar tre fitore nga tre xhirot e para të Europa League.

Kështu, sonte Atletico pritet që të shënojë edhe një fitore ndaj kundërshtarit të saj në Grupin B, Academicës nga Coimbra e Portugalisë ashtu që të sigurojë fazën pranverore të kësaj gare ku Atletico është mbrojtës i titullit.

Dniproja ruse do ta ketë pak më të vështirë punën pasi që i shkon Napolit, mirëpo pas paraqitjeve të jashtëzakonshme në tre ndeshjet e para ata janë shumë afër kualifikimit. Ndërsa, kur mirret parasysh që në grup kanë kundërshtarë si Napoli e PSV – atëherë meritojnë çdo lavdatë. Dnipros i duhet vetëm edhe një pikë nga tre ndeshjet e mbetura të Grupit F, për t’u kualifikuar.

Të njejtën punë duhet ta kryejë edhe Lyon sonte që i shkon në konak finalistit të stinorit të kaluar Athletic Bilbao, e cila nuk është hija e ekipit që ishte edicionin e shkuar.

Ekipet tjera që janë me nga 7 pikë dhe që në rast fitoreje sonte do të sigurojnë pranverën europiane janë: Fenerbahçe (Grupi C), Newcastle (D), Steaua (E), Genk (G), Inter e Rubin (H), Bayer e Metalist (K) dhe Hannover (L).

ORARI I NDESHJEVE TË SONTME:

Anzhi Makhachkala 18 : 00 Liverpool

Neftçi 18 : 00 Rubin Kazan’

Udinese 19 : 00 Young Boys

Académica 19 : 00 Atlético Madrid

Viktoria Plzeň 19 : 00 Hapoel Tel Aviv

Olympique Marseille 19 : 00 Borussia M’gladbach

Fenerbahçe 19 : 00 AEL

Club Brugge 19 : 00 Newcastle United

Bordeaux 19 : 00 Marítimo

Molde 19 : 00 Steaua Bucureşti

København 19 : 00 Stuttgart