LORET SADIKU
Loret Sadiku/ TOPSPORTI/ Arkiv
Në pritje të Sadikut
4 December, 2018 @14:30
Federata e Futbollit të Kosovës (FFK) është në pritje të vendimit zyrtar nga FIFA për lejen e paraqitjes së Loret Sadikut me reprezentacionin e Kosovës.
FIFA deri tash ka refuzuar të lejojë Sadikun, që mbron ngjyrat e ekipit turk Kasimpasha, të luajë për Kosovën, me arsyetimin se ka humbur mundësinë e ndërrimit të përfaqësueses kur ka bërë kërkesë të kalojë nga Suedia te Shqipëria.
Mirëpo, pasi që mbrojtësi nuk ka zhvilluar asnjë lojë me kuqezinjtë bën që FFK-ja të shpresojë për lejen nga FIFA, ka bërë të ditur vetë FFK-ja në një njoftim të saj të botuar ditë më parë.
