Dy përmbysje, futboll fantastik dhe fitore e Arsenalit

Në një nga ndeshjet më të bukura të sezonit në Premier League, Arsenali arriti ta fitojë me rezultat 4-2 derbin e Londrës Veriore ndaj Tottenhamit.

Gjatë ndeshjes ndodhen dy përmbysje, fillimisht Tottenhami e përmbysi epërsinë 1-0 të Arsenalit në 1-2, e më pas përmbysjen kryesore e bënë vendasit, prej 1-2 në 4-2, për ta mbyllur ndeshjen me fitore.

TABELA AKTUALE

Mund të thuhet që vendimi i Pochettinos që të startojë me Foyth në qendër të mbrojtjes e jo me belgun Alderweireld i kushtoi Tottenhamit, pasi që mbrojtësi i papërvojë dukej tejet i pasigurtë në duelin e sotëm.

Startues sot për Arsenalin ishin edhe Shkodran Mustafi e Granit Xhaka, dhe që të dy e përfunduan ndeshjen të ndëshkuar me kartonë të verdhë.

Pas 14 xhirove, të dyja skuadrat kanë pikë të barabarta, mirëpo vendi i katërt momentalisht i takon Arsenalit falë golaverazhit.