TIRANË
Nedzipi te Partizani
31 January, 2014 @14:49
Mesfushori 29 vjeçar i Shkëndisë së Tetovës, Nderim Nedzipi kalon te Partizani i Tiranës. Lajmi është konfirmuar në llogarinë e rrjetit shoqëror Facebook të klubit tiranas, derisa edhe shkupjani Nedzipi ka kërkuar mirëkuptim nga tifozët për ndërrim ambienti.
“Arsyet e ndarjes me Shkëndijën janë private dhe kërkojë mirëkuptim nga i gjithë stafi si dhe tifozët e klubit,” ka thënë ndër të tjera Nedzipi në llogarinë e tij personale në Facebook, duke i falenderuar të gjithë një nga një si dhe duke treguar dhimbjen për ndarjen me ekipin e tij të zemrës.
Nedzipi do t’i bashkohet pesëshes kosovare te Partizani: Behar Maliqi, Mentor Mazrekaj, Besnik Krasniqi, Labinot Ibrahimi dhe Liridon Ahmeti.
Partizani gjindet në pozitën e dytë të Kategorisë superiore shqiptare të futbollit me 7 pikë më pak se kampioni aktual dhe lideri, Skënderbeu i Korçës.
