ZONA E AMERIKËS LATINE
Neymar shkëlqen, Brazili siguron “Katarin ‘22”
12 November, 2021 @11:54
Shtatë gola dhe tetë asistime ka regjistruar Neymar në kampanjën kualifikuese të Brazilit drejt Katar 2022, ndërsa me fitoren e mëngjesit të hershëm sot, ndaj Kolumbisë, ata kanë siguruar biletën për Botëror.
Golin e vetëm të ndeshjes e ka shënuar Lucas Paqueta, ndërsa asisti erdhi nga Neymar, që vallëzonte në ndeshje, ku Brazili fitoi 1-0.
Me këtë fitore Brazili ka siguruar që tash biletën për Katar, derisa ka edhe gjashtë xhiro për tu luajtur në grupin latino-amerikan për kualifikim.
TABELA AKTUALE:
1. Brazili 34p
2. Argjentina 25p
3. Ekuadori 20p
4. Kili 16p
-
5. Kolumbia 16p
-
6. Uruguaji 16p
7. Peruja 14p
8. Paraguaji 12p
9. Bolivia 12p
10. Venecuela 7p.
Nga zona e Amerikës Latine katër të parat në renditje sigurojnë biletën direkte për në Botëror, ndërsa e pesta luan ndeshje barazhi.
