Nisi me fitore

Posa morri detyrën e kryetrajnerit të skuadrës, Fadil Rama, kishte test të vështirë dhe të rëndësishëm ndaj Prishtinës. 

Por, Drenica syçelë fitoi dhe tashmë sadopak ka rehati në tabelë. 

“Ka qenë një ndeshje shumë e rëndësishme për të dyja skuadrat. Ne fituam dhe i falenderoj lojtarët për angazhimin,” ka thënë Rama për Radio Kosovën pas ndeshjes. 

“Ne tash duhet të udhëtojmë për në Gjilan në ndeshjen e radhës ku do të ndeshemi me Dritën. Edhe atje së paku do të kërkojmë një pikë,” ka shtuar ai. 

Drenica ka mposhtur Prishtinën 1-0 me golin e Granit Arifajt që erdhi nga Hajvalia në gjysmëstinor.