Onixi mposhtë Istogun, fiton derbin lokal

Derbi i qytetit të Istogut në Ligën e Parë sot i ka takuar Onixit.

Ndonëse me një lojtar me pak në fushë, pas përjashtimit të Armend Ruxhit gjatë pjesës së dytë, Onixi arriti që me përmbysje ta mposhtë sot 2-1 skuadrën e Istogut.

TABELA AKTUALE

Pjesa e parë e ndeshjes u mbyll pa gola, e të parët që shënuan në pjesën e dytë ishin mysafirët. Për 0-1 shënoi Qëndrim Jahaj në minutën e 68’, para se të vinte përmbysja vendase.

Vendasit fillimisht barazuan në minutën e 73’ me golin e Bekim Maliqit, e më pas fitorja erdhi nga Qëndrim Gashi, i cili shënoi për 2-1 në minutën e 88’ të duelit.

Kjo fitore bën që Onixi t’i afrohet pozitave të para të Grupit A në Ligën e Parë, kurse Istogu ndodhet në vendin e tetë të këtij grupi.