Pa humbje, titulli i gjashtë me radhë për Celtic

Skuadra e Celtic Glasgowit ka mposhtur në fundjavën që e lamë pas Heartsin 5-0 për të siguruar titullin e gjashtë të kampionit me radhë në Skoci.

Ndërkaq, ky ka qenë titulli i parë i ish-trajnerit të Liverpoolit dhe Swanseat, Brendan Rodgers, me Celticun, i cili ka parashikuar se ekipi i tij në çdo rast do të ishte në TOP 6 skuadrat e Premier Ligës së Anglisë!!!

“Detyra ime ka kërkuar që të fitojë në mënyrën më të mirë të mundshme këtu. Kemi pasur performanca të jashtëzakonshme, por tash është vetëm fillimi, pasi që duhet të zhvillojmë edhe shumë këtë ekip,” ka thënë Rodgers shkruan BBC Sport sot.

Synimi i radhës deri në fund të stinorit, ku kanë mbetur edhe tre xhiro, për Rodgersin është që të bëhet ekipi i parë në Skoci duke e përfunduar stinorin i pamposhtur.