Para superduelit, Gjermania-Italia

Ai për të cilin fare nuk flitet para kësaj ndeshjeje është referi i saj. Hungarezi, Viktor Kassai, do të ketë pipin e kryesorit në duelin Gjermania - Italia, që vlerësohet finale para finales dhe njëri ndër duelet e ‘oldtimer’-ëve të futbollit botëror.

Kassai 40 vjeç ka qenë refer kryesor i ndeshjes Franca 2-1 Rumania dhe Italia 1-0 Suedia. Ai ka ndarë 7 kartonë të verdhë në këto ndeshje, ndërsa me kaq kalojmë te akterët kryesorë dhe historia para dueleve italo-gjermane.

RRUGËTIMI

Gjermania doli e para në Grupin C të EURO 2016 me 7 pikë nga 3 ndeshje, duke mos pësuar asnjë gol. Pancerët ende nuk kanë pranuar gol në portën e tyre.

FOTO: Gjermania e europianit të kaluar

Italia gjithashtu doli e para nga Grupi E, me 6 pikë, ndërsa pësoi humbje nga Irlanda, atëherë kur veçse e kishte siguruar vendin e parë në grup.

FOTO: Italia e europianit të kaluar

Gjermanët në të tetën e finales kaluan lehtë Sllovakinë, duke i mposhtur 3-0, gjë që mund të thuhet edhe për Italinë, përkundër se përballë kishin kampionin në fuqi, Spanjën, 2-0.

Të dyja skuadrat me lojën e tyre kanë marrë vlerësime pozitive. Gjermanët ofanziv, italianët me lojën alla-Conte, sikurse Juventusi i tij.

PORTIERËT

Manuel Neuer sonte mbetet të shihet nëse do të mbetet i pamposhtur, derisa në anën tjetër Gianluigi Buffon, po tregohet lider shpirtëror i italianëve me përvojën e tij dhe me performancat mbresëlënëse dhe shembull të një sportisti në portë.

TË PËRGJITHSHME

Italia, nuk din për humbje nga Gjermania në ndeshjet e turneve të mëdha si europiani e botërori. Italia nga 8 përballje ka 4 fitore e 4 barazime. Gjermania do të kërkojë fitoren historike.

Në miqësoren e fundit, Gjermania mposhti Italinë 4-1. Ndërsa në turneun e fundit, Italia mposhti Gjermaninë 2-1 në EURO 2012.

FOTO: Nga dueli i EURO2012

Ndërsa dhimbja më e madhe gjermanëve i ishte shkaktuar nga italianët në finalen e Kampionatit Botëror në “Gjermania 2016” kur i mposhtën në gjysmëfinale pas kohës shtesë 2-0.

Sonte, gjermanët kërkojnë ‘hakmarrjen’ ndaj azzurëve, ndërsa në anën tjetër azzurrët nuk kanë histori të keqe, prandaj e marrin si ndeshje të radhës për t’i mposhtur ata, natyrisht, me kujdes të shtuar.

DEKLARATAT

Trajneri i Gjermanisë, Joachim Low, para ndeshjes ka thënë: Jo, ne nuk i frikësohemi Italisë, pasi që nuk është ekip i njejtë me atë të vitit 2012.

E italiani Mattia De Sciglio ka folë për këndimin e himnit para ndeshjes: Shumë emocional është momenti. Ne shtrëngohemi fortë te njëri-tjetri derisa këndojmë himnin zëshëm.

FORMACIONET E MUNDSHME: