MKHITARYAN
Dortmund zyrtarizon transferin e Unitedit
2 July, 2016 @14:06
Kur ende nuk ka kaluar entuziazmi i tifozëve të Manchester Unitedit për transferimin e Zlatan Ibrahimovicit, është zyrtarizuar edhe transferi i radhës te Djajtë e kuq.
Henrikh Mkhitaryan është futbollisti më i ri i Unitedit dhe këtë e ka zyrtarizuar tashmë ish skuadra e tij, Borussia Dortmund.
“Borussia Dortmund dhe Henrikh Mkhitaryan i kanë ndarë rrugët këtë verë,” është shkruar në fillim të njoftimit nga klubi gjerman, ndërsa është njoftuar që ai do të luajë stinorin e ardhshëm për Manchester Unitedin.
