ÇEREKFINALET
UEFA.com
Uellsi historik, arrin gjysmëfinalen
1 July, 2016 @22:42
Uellsi po vazhdon ta shkruaj historinë në paraqitjen e parë të tij në një kampionat europian.
Shteti ishullor është kualifikuar në gjysmëfinale të EURO 2016, pasi arriti ta mposht në çerekfinale Belgjikën me rezultat 3-1.
Belgët ishin ata të cilët kaluan të parët në epërsi me golin e bukur të Radja Nainggolan në minutën 13, ndërsa më pas erdhi edhe përgjigjja nga uellsianët.
Së pari Ashley Williams e barazoi rezultatin në 1-1, kurse më pas Hal Robson-Kanu e kaloi skuadrën e tij në epërsi.
Krejt në fund, Sam Vokes me golin e tretë për Uellsin, i dha fund dilemës së fituesit në këtë ndeshje.
Në gjysmëfinale Uellsi do të përballet me Portugalinë, e cila dje e kishte mposhtur Poloninë pas ekzekutimit të penalltive.
