DRITA-DRENICA
Pas 4 xhirosh, Drita gjen fitoren
17 September, 2017 @17:30
Skuadra e Dritës ka gjetur fitoren e parë pas 4 xhirove sot. Bardhekaltërit kanë mposhtur Drenicën në shtëpi, pas pjesës së dytë të furrishme në Gjilan, për të fituar në fund, 3-0.
Pjesa e parë, përkundër rasteve të pakta nga të dyja palët, kaloi pa gola, ndërsa në pjesë të dytë djelmoshat e drejtuar nga Milazim Zuzaku shpërthyen.
Ka qenë Përparim Livoreka që i dha epërsinë Dritës, 1-0. Ndërsa shpejt pas asistimit të Xhevdet Shabanit, Kastriot Rexha e bëri 2-0.
Xhevdet Shabani mbetet protagonist kryesor i ndeshjes, pasi që depërton dhe rrëzohet nga mbrojtja mysafire në zonë. Referi akordon penallti, të cilën Fidan Gërbeshi e realizon, 3-0.
Në anën tjetër, kjo është humbja e tretë për Drenicën këtë stinor.
