Pas 5 humbjesh, Daku kthen Kosovën U21 te fitorja

Kosova U21 ka thyer akullin. Pas 5 humbjeve rresht në kualifikime për EURO 2021 në Grupin 3, djelmoshat e drejtuar nga Rafet Prekazi kanë arritur të mposhtin Andorrën U21 sonte në Prishtinë 1-0 [Mirlind Daku 62].

Ka qenë sulmuesi më në formë aktualisht në Superligë, Mirlind Daku, që ka shënuar bukur me volej për të bërë dallimin në ndeshje dhe kështu Kosova U21 i është kthyer fitores në grup, duke e regjistruar të tretën për të ngritur kuotën e pikëve në nëntë.

Prekazi ka startuar ndeshjen me formacionin 4-3-3 ku portier ka qenë Nreca Bisinger, ndërsa në mbrojtje kanë luajtur Rahimi, Vitija, Sadriu e Kqiku; në mes Zekaj, Pepsi e Kransiqi, kurse në sulm Veliu, Daku e Ajdini.

Në pjesë të dytë është futur në lojë edhe Sulisufaj nga minuta 46, ndërsa posa u shënua goli, Prekazi ka reaguar duke nxjerrë Veliun e Zekajn, për t’i zëvendësuar me Kryeziun e Jasharin.

Kujtojmë Andorra U21 5 ditë më parë ka barazuar me Anglinë U21 3-3 në shtëpi.