Pas Barçës, bie Unitedi!

Pak para udhëtimit për në Old Trafford të Manchesterit, mesfushori gjerman i Real Madridit, Mesut Ozil, duke folur për mediat gjermane ka thënë se skuadra e tij do të bëj gjithçka çka duhet për të arritur fazën e çerekfinales së Ligës së Kampionëve. 

“Do të jetë vështirë, por ne kemi treguar se çka jemi në gjendje të bëjmë kështu që e dimë se mund ta mposhtim çdo ekip në botë, pavarësisht respektit. Nëse e mposht Barcelonën në Camp Nou, mund ta mposhtësh edhe Manchester Unitedin në Old Trafford,” ka thënë Ozil për gjermanen Die Welt. 

Real Madrid do të luajë me Manchester Unitedin nesër në Old Trafford në kuadër të ndeshjes së kthimit të Ligës së Kampionëve. Ndeshja e parë në Santiago Bernabeu përfundoi 1-1.