DOREHIQET TRAJNERI
Pas humbjes, largohet trajneri i Vllaznisë
11 October, 2020 @19:07
Pas disfatës së sotme në momentet e fundit të ndeshjes nga Ferizaji, Vllaznia e Pozharanit ka mbetur pa trajnerin e deritashëm të saj, Erdin Hashani.
Hashani, ka dhënë dorëheqje nga posti i tij, pasi që skuadra e tij edhe pas 4 xhirove të para të stinorit në Ligën e Parë B të Kosovës nuk ka fituar ndeshje.
Vllaznia pas katër xhirosh ka marrë 2 pikë deri tash.
Pozharanasit kanë pranuar dorëheqjen e tij dhe kanë lëshuar një njoftim të shkurtër në llogarinë e ekipit, ku kanë falenderuar Hashanin për punën e deritashme duke i dëshiruar suksese.
