XHIROJA XXV
Peja nesër, Prishtina të shtunën
26 March, 2015 @14:58
Fituesja e Kupës së Kosovës, Peja, hap nesër xhiron e XXV të Superligës në ndeshje ndaj Yllit të Suharekës.
Peja do të kërkojë që t’i revanshohet suharekasve për humbjen e paplanifikuar ndaj Yllit në Superligë, edhepse në gjysmëfinale të Kupës i mposhtën ata. Ndërkaq, ekipi i Agron Berishës do të tentojë që të tregojë forcën karshi verdhezinjëve në formë.
Kësaj radhe të shtunën do të ketë derbi, ndërsa të dielën nga ora 20:00 fillojnë ndeshjet tjera, prej të cilave, të gjitha interesante për mënyrën e vetë.
Sigal Prishtina - Bashkimi, luajnë në atë që do të duhej të quhej derbi i xhiros, derisa Besa-Trepça do të jetë një përballje tjetër interesante, ku pejanët do të kërkojnë shkëputjen nga rrezikimi me një fitore potenciale.
Vëllaznimi ndaj Kastriotit, gjithashtu pritet të jetë përballje e vështirë. Kjo, pasi që Kastrioti po kërkon fitoret e fundit për të ikur nga rënia.
Jeton Nixha, që ka qenë trajner i Vëllaznimit në pjesë të parë të stinorit, do të kthehet në Gjakovë kësaj radhe si trajner i rivalit, Kastriotit, për të mposhtur ish ekipin e tij, nëse do që ferizajasit të shpresojnë ende në mbijetesë.
TERMINET:
| E premte 27 mars | 18:00 | Peja - Ylli | |
| E shtunë 28 mars | 20:00 | Sigal Prishtina - Bashkimi | |
| E diel 29 mars | 20:00 | Vëllaznimi - Kastrioti | |
| E diel 29 mars | 20:30 | Besa - Trepça |
