DALI
BOROZANI/Erdis Driza
Jemi favoritë për trofeun
26 March, 2015 @8:46
Dardan Berisha, basketbollisti më i mirë i Prishtinës, që shënoi më së shumti pikë në ndeshjen e mbrëmshme ndaj Craiovës, ka thënë se Prishtina është favorite për të fituar ligën ballkanike.
“Nuk kemi menduar se do të fitojmë me këtë rezultat. Ka qenë ndeshje e shkëlqyer për të gjithë ne. I falenderoj tifozët, që nuk u ndalën asnjëherë duke na përkrahur. Pa ata do të ishte shumë vështirë për ne,” ka thënë njeriu që doli nga ndeshja me 22 pikë të shënuara, në konferencën për shtyp pas ndeshjes.
Sa i përket ndeshjes së radhës, ai ka shtuar.
“Do të jetë vështirë ndaj Kozuvit, sepse ata janë njëri ndër ekipet më të kompletuara të ligës, mirëpo me këtë formë si sonte, ne besojmë që jemi favoritë për të fituar BIBL,” ka përfunduar Berisha.
Prishtina do të ndeshet me Kozuvin maqedon në gjysmëfinale të BIBL, ku ndeshja e parë luhet në Prishtinë më 1 prill dhe ajo e kthimit një javë më vonë në Gjevgjeli.
