Për një kapitull të ri

Prishtina sot ka shënuar një fitore shumë të rëndësishme në kryeqytet, duke e mposhtur Lirinë e Prizrenit.

Raporti i ndeshjes Prishtina - Liria

Ky rezultat ka qenë i mirëseardhur për trajnerin e prishtinasve, Sami Sermaxhaj, i cili shpreson që me këtë fitore ta vendosin një kapitull të ri, duke i harruar humbjet e mëparshme.

“Jemi lodhur duke e përsëritur refrenin, lojë e vështirë, por ishte shumë e vërtetë që ishte e vështirë dhe më shumë se e vështirë ishte e rëndësishme. Dhe, mendoj se nga këtu e tutje do të vendosim një kapitull të ri. Qasja dhe serioziteti i punës do të shtohet. Sot më i rëndësishëm ishte rezultati, por sa i përket lojës, ende kemi shumë punë për të bërë dhe për t’u komponuar ashtu siç e meriton Prishtina. Normal që gëzimi ishte i madh pas fitores, sepse pas dy humbjeve presioni ishte i madh dhe pozita në tabelë është ngarkesë e madhe dhe për atë sot me rëndësi ishin tre pikët,” tha Sermaxhaj, shkruan faqja zyrtare e bardhekaltërve.

Prishtina në dy ndeshjet e mëparshme ishte mposhtur nga Hajvalia dhe Drita.