Të gjitha lajmet

UCL FINAL: TOTTENHAM - LIVERPOOL

Për të gjashtën herë, Liverpooli kampion i Evropës!

Për të gjashtën herë, Liverpooli kampion i Evropës!

1 June, 2019 @23:01

Liverpooli është kampioni i Evropës për sezonin 2018/2019!

Skuadra e gjermanit Klopp këtë sezon fantastik e mbylli me titullin e më të mirit të Evropës, titull ky që është i pari nën drejtimin e trajnerit gjerman.

SKEMA DREJT FINALES

Ndeshja filloi tejet mirë për Liverpoolin, që e fitoi një penallti pa kaluar as 30 sekonda në lojë. E fituar nga Mane, penalltia u shndërrua në gol nga Salah, i cili i dha Liverpoolit një epërsi të hershme, shumë të rëndësishme edhe në aspektin psikologjik.

Më pas, pjesa e parë kaloi e qetë, pa shumë për t’u përmendur.

Në pjesën e dytë, më kërkues ishte Tottenhami. Në kërkim të rezultatit, Spurs provonin herë me krosime e herë me goditje nga distanca, por gjuajtjet më të rrezikshme që erdhën nga Son, Moura e Eriksen, u ndalën në të gjitha rastet nga brazliani Alisson, i cili zhvilloi një paraqitje mjaft të mirë.

Në anën tjetër, Liverpooli në menaxhim të rezultatit reagonte me daljet e shpejta në kundërsulm dhe pikërisht në këtë mënyrë ata e gjetën edhe golin e dytë dhe të sigurisë.

Belgu Divock Origi, që ishte vendimtar edhe në triumfin ndaj Barcelonës në gjysmëfinale, shënoi me një goditje mjaft precize me të djathtën për 2-0 në minutën e 87’ të ndeshjes, për t’ia dhënë skuadrës së tij golin e sigurisë dhe fitoren.

Për asnjë minutë sonte te Liverpooli nuk u inkuadrua Xherdan Shaqiri, mirëpo kjo nuk i pengon atij që ta fitojë medaljen e kampionit të Evropës, e cila është e dyta për ta, pas asaj të fituar me Bayernin.

Me këtë triumf Liverpooli tashmë ka 6 tituj të Champions Leagues të fituar, duke e kaluar Bayernin e Barcelonën që mbesin me nga 5, derisa para Liverpoolit ndodhen Milan me 7 dhe Real Madridi me 13.

 

UCL FINAL: TOTTENHAM - LIVERPOOL

Tottenham vs. Liverpool, notat e lojtarëve

1 June, 2019 @23:09

Pas ndeshjes, TopSporti.com ka notuar lojtarët startues të të dyja skuadrave. Tottenham: Lloris 6, Trippier 6, Alderweireld 6, Verthongen…

ANTONIO CONTE

Inter e zyrtarizon, Juve e proteston

31 May, 2019 @9:00

Antonio Conte me një komunikatë të lëshuar në ora 6 të mëngjesit nga faqja zyrtare e Interit, tashmë është shef…

MBROJTËSI I KOMBËTARES

Xhimshiti luajti i lënduar, për të çuar Atalantën në Champions

30 May, 2019 @14:35

Mbrojtësi i kombëtares shqiptare, Berat Xhimshiti, në katër javët e fundit të Serie A-së ka luajtur me lëndim, për të…

LUCIANO SPALLETTI

Zyrtarisht shkarkohet

30 May, 2019 @13:28

Interi sot edhe zyrtarisht ka shkarkuar nga detyra trajnerin e ekipit, Luciano Spalletti. Ai pritet të zëvendësohet nga ish…

4 POTS OF CHAMPIONS 2019/20

Caktohen vazot e Ligës së Kampionëve 2019/20

27 May, 2019 @15:05

Me përfundimin e stinorit në Serie A dhe konfirmimin e ekipeve të fundit pjesëmarrëse, sot janë qartësuar vazot e shortit…

Të gjitha lajmet nga Champions League