Të gjitha lajmet

SEMIFINALS: AJAX - TOTTENHAM

Përmbysje fantastike për finalen e parë në Champions!

Përmbysje fantastike për finalen e parë në Champions!

8 May, 2019 @23:05

Po e përjetojmë një prej sezoneve më të bukura në histori të Ligës së Kampionëve!

Pas përmbysjes shokuese nga Liverpooli ndaj Barcelonës mbrëmë, ndeshje fenomenale sonte treguan edhe Ajaxi e Tottenhami në Londër, skuadra këto që askush nuk i kishte parashikuar të arrinin në gjysmëfinale, mirëpo që të dyja edhe sonte e dëshmuan që janë në këtë fazë të garës me plot meritë.

Pas ndeshjes së parë që kishte përfunduar 0-1 për Ajaxin, holandezët ndeshjen e nisën me të relaksuar dhe kaluan shumë shpejt në epërsi me golin e kapitenit De Ligt që në minutën e 5’. Kjo epërsi u dyfishua nga Hakim Ziyech në minutën e 35’ të ndeshjes dhe pjesa e parë u mbyll me epërsi dy-golëshe të Ajaxit, duke na lënë të mendojmë se Ajaxi po shkonte lehtësisht drejt finales së Champions League për herë të parë që nga viti 1996.

SKEMA E CHAMPIONS LEAGUE

Mirëpo, duket se spektakli ishte ruajtur për pjesën e dytë. Duke ditur se nuk ka çfarë të humbë, Tottenhami u vërsul pa kalkulime në sulm në pjesën e dytë, derisa ‘momentumin’ e fitoi me dy gola të Lucas Mouras në minutat 55’ e 59’, për të vazhduar më pas sulmet e njëpasnjëshme për ta gjetur golin e fitores. Në anën tjetër, Ajaxi rrezikonte me kundërsulme, ndërkohë që ishte ‘në panikë’ nga dy golat e shpejt të anglezëve.

E kur u mendua se ndeshja do të mbyllej 2-2 dhe Tottenhami, që edhe sonte ishte në mungesë të Harry Kanet, do të përshendetej nga gara, në skenë doli përsëri Lucas Moura, i cili e kompletoi hat-trickun personal në minutën e 5’ të kohës shtesë, duke shënuar për 2-3 dhe duke e kualifikuar skuadrën e tij për herë të parë në histori të klubit në një finale të Ligës së Kampionëve.

Një rresht në këtë shkrim detyrimisht duhet t’i kushtohet trajnerit Mauricio Pochettino, i cili pa asnjë përforcim në dy afatet e fundit kalimtare, arriti ta dërgojë skuadrën londineze në finale të Ligës së Kampionëve, si dhe ta përfundojë sezonin e Premier Leagues brenda top katërshes. Një punë fantastike nga argjentinasi!

Kështu, për herë të parë që nga viti 2008, do të kemi një finale angleze në Champions. Më 1 qershor në Madrid, për trofeun më të çmueshëm për klube mes vete do të luftojnë Liverpooli e Tottenhami.

TOP FINALISTS

Liverpool ngritet në listën e finalistëve

8 May, 2019 @0:25

Përveç që e kaloi sonte, Liverpool e ka kaluar Barcelonën edhe në një pjesë të historisë së Ligës së Kampionëve.…

HUMBJET E NJËJTA

E pesta herë për Barcelonën

7 May, 2019 @23:37

Barcelona ka shënuar për të pestën herë në histori të klubit, humbjen më të rëndë në gara evropiane sonte. …

NGA SQUAWKA

Notat e lojtarëve, Liverpool-Barcelona

7 May, 2019 @23:27

Pas ndeshjes fenomenale gjysmëfinale ndërmjet Liverpoolit dhe Barcelonës, ku të kuqtë siguruan finalen e dytë radhazi në Ligë të Kampionëve,…

LIVERPOOL - BARCELONA

Liverpool fenomenal, në finalen e radhës

7 May, 2019 @22:55

Liverpool ka arritur të bëj rikthimin e madh në ndeshjen e kthimit të gjysmëfinales duke e mposhtur Barcelonën në Anfield…

SEMIFINALS: LIVERPOOL - BARCELONA

Liverpool vs. Barcelona, 11-shet startuese

7 May, 2019 @19:46

Kush do të jetë finalisti i parë i edicionit të sivjetëm të Champions League? A do ta arrijë Liverpooli me…

Të gjitha lajmet nga Champions League