PRIZRENI - YLLI
TOPSPORTI / ARKIV
Përsëri ndeshje interesante në “Sezai Surroi”
9 February, 2019 @10:51
Javën e kaluar u luajt ndeshja mes Prizrenit e Bashkimit, ndërsa në palestrën “Sezai Surroi” edhe këtë xhiro do të ketë ndeshje mjaft interesante.
Sot me fillim nga ora 17:00, në palestrën e lartpërmendur zhvillohet ndeshja mes Prizrenit dhe Yllit, takim i cili pritet të kalojë me mjaft rivalitet në parket.
Prizrenasit momentalisht kanë bilanc 8-9 dhe takimin e nisin të motivuar pas fitores ndaj Bashkimit në xhiron e kaluar, kurse Ylli në anën tjetër është i dyti në tabelë dhe sot kërkon që t’i rikthehet fitoreve, pasi që xhiron e kaluar u mposht nga Rahoveci në Suharekë.
