Pranuam gol të lirë

Trajneri i Gjilanit, Ismet Munishi, ka komentuar derbin e zhvilluar ndaj Dritës, derisa ka thënë se rezultati përfundimtar 1-1, ka qenë real.

“Nuk ka qenë një ndeshje e zakonshme, por ka qenë një derbi i madh dhe natyrisht se ka emocione. Gabime kemi bërë të dyja ekipet për shkak të fushës. Rezultati ka qenë real sepse kur pritëm të shënojmë golin e dytë, ne pranuam gol të lirë. Gola të tilla nuk duhet të pranojmë pasi që do të mund të na kushtojnë me humbje,” ka thënë ndër të tjera Munishi.

Gjilani, për herë të parë këtë stinor barazoi ndaj Dritës, derisa dy duelet tjera i kishte fituar. Po ta kishte fituar derbin e sotëm, Gjilani do të dilte në krye të renditjes tabelare.