Prapa Realit e Barçës

Sipas Deloitte, raporti i Football Money League, 7 nga 12 ekipet me të ardhura më të mëdha janë angleze. 

Manchester City për herë të parë është futur në TOP 10-she. Ndërsa Manchester United zë vendin e tretë, që e bën atë ekip me qarkullim më të madh në Angli, por jo edhe në botë pasi që përpara ka Real Madridin dhe Barcelonën. 

Real Madrid është i pari me 414.7 milionë funta qarkullim vjetor, derisa përcillet nga Barcelona me 390.8 milionë funta. Manchester United vjen pas tyre me 331.4 milionë. 

Chelsea ka mbetur i pesti në listë, derisa impresionon kërcimi i Manchester Cityt, të cilët pas shpalljes kampion në Angli dhe vazhdimit të kontratës me Etihad Airways kanë kërcyer prej vendit të 12-të në të 7-tin.