Prishtina i kthehet fitores, duke mposhtur Ferizajin e rrezikshëm

Pas humbjes së shënuar ndaj Dukagjinit në shtëpi në xhiron e kaluar, Prishtina i është kthyer fitores, derisa ekipi i drejtuar nga Debatik Curri ka fituar ndeshjen ndaj Ferizajit të Andrej Panadicit me rezultat përfundimtar, Prishtina 2-0 Ferizaji [Leotrim Kryeziu 45+4 pen., Endrit Krasniqi 74].

Sa e rëndësishme ka qenë kjo fitore për bardhekaltërit vendas ka treguar gëzimi i madh i lojtarëve pas secilit gol të shënuar, ndërsa Ferizaji kishte nisur më mirë ndeshjen dhe dukej më konkret në lojë dhe në atë që kërkonte nga ndeshja.

TABELA AKTUALE

Mirëpo, kah fundi i pjesës së parë penalltia e fituar e Prishtinës dhe e konkretizuar nga Leotrim Kryeziu, që dha golin e tij të pestë të stinorit, ka bërë që ekipi të merr krahë dhe në pjesë të dytë goli i mesfushorit kreativ të tyre, Krasniqi, mbylli të gjitha dilemat deri në fund të ndeshjes.

Fitorja bën që Prishtina të rifutet në garë për vend të tretë të renditjes tabelare, pasi që tash ka 41 pikë (2 më pak sesa Gjilani) dhe gjendet në pozitë të katërt pas 29 ndeshjesh. Ndërsa Ferizaji bie në zonën e barazhit sot me humbje, duke qenë se ka 31 pikë nga 29 ndeshje.

i: