PRISHTINA (F) - PENZA (F)
TOPSPORTI / Arian Paçarizi
Prishtina me fitore të thellë mbyll stinorin dimëror
9 December, 2019 @17:12
Në ndeshjen e mbetur të xhiros së nëntë, vashat e Prishtinës e deklasuan Penzën me rezultat 116-45.
Penza u dorëzua që nga çereku i parë, derisa Prishtina dominoi gjatë tërë ndeshjes [28-8, 25-15, 40-9, 23-13].
7 basketbolliste te Prishtina luajtën me pikë dyshifrore. Enxhi Xhanaj ishte më e dalluara me 23 pikë, 10 kërcime, 5 asistime e 4 topa të rrëmbyer, derisa u veçuan edhe Nyilah Jamison me 19 pikë e 10 kërcime, Besjana Martinaj me 17 pikë, Era Shatri me 15 pikë, Enisa Kamerolli me 14 pikë, Tringa Ukaj me 12 pikë dhe Irma Konjusha me 10 pikë e 12 asistime.
Te Penza e vetmja me pikë dyshifrore ishte Diedona Halitaj. Ajo luajti me 14 pikë në total.
Prishtina me 8 fitore e 2 humbje gjendet në pozitën e dytë, kurse Penza me 6 fitore e 4 humbje në pozitën e tretë.
