PRISHTINË
Prishtina rikthen Constantinidesin
5 March, 2020 @23:41
Trajneri i parë qipriot në Superligë të Kosovës, Antonis Constantinides, po i rikthehet Superligës.
Constantinides para pak çastesh është zyrtarizuar si trajner i ri i kampionit aktual të Kosovës në basketboll, Prishtina, pasi që ka pranuar të drejtojë skuadrën bardhekaltër nga kryeqyteti deri në fund të këtij stinori.
Qiprioti 45 vjeç ka fituar me Prishtinën Superligën, Kupën e Kosovës dhe titullin e BIBL në vitin 2016, derisa drejtonte skuadrën dhe tash do të kërkojë mbrojtjen e titullit - pasi që ky është trofeu i vetëm i mundshëm që i ka mbetur prishtinasve për të fituar në këtë stinor.
Prishtina deri tash u drejtua nga trajneri slloven Teo Zajc, që dha dorëheqje nga ekipi pas disfatave të njëpasnjëshme, nga Final 8 e Kupës prej Yllit dhe në Superligë nga Bashkimi në xhiron e shkuar.
