PRIZREN
Prizreni liron të huajt, sygjeron përfundimin e stinorit
16 March, 2020 @18:15
Skuadra e Prizrenit ka liruar sot të huajt e skuadrës për shkak të situatës së krijuar nga pandemia coronavirus, ndërsa ka sygjeruar FBK-në që kampionati të mos përfundojë tash, por të vazhdojë kurdo që krijohen kushtet.
“I falenderojmë lojtarët Keenan Warren, Dareial Franklin, Andre Woford, Marcus Myers dhe Ty Nichols, me të cilët pritet të renovojmë edhe për një edicion,” ka bërë të ditur skuadra në njoftimin e botuar sot.
KB Prizreni gjithashtu ka propozuar që të vazhdohet stinori kur të krijohen rrethanat, ose pa prezencë publik, me kontrollë të lojtarëve nga mjekët, dezinfektim palestrash, ashtu që të mos hidhen poshtë investimet e klubeve - duke qëndruar pro vazhdimit të stinorit, pa rrezikuar shëndetin e sportistëve dhe njerëzve rreth klubeve.
KB Prizreni është skuadra e tretë e Superligës që ka bërë të ditur se ka liruar të huajt për këtë stinor pas Rahovecit dhe Bashkimit.