Puna shpërblehet, treshja e Ballkanit ftohet nga Challandes

Pas formës së shkëlqyeshme që e kaluan në stinorin vjeshtor në Superligë, tre futbollistët më të dalluar të Ballkanit kanë marrë edhe vëmendjen e Bernard Challandes, përzgjedhësit të Kosovës.

Blend Baftiu, Jetmir Topalli dhe Arbër Hoxha, tre futbollistët e Ballkanit, janë ftuar nga Challandes për ndeshjen që Kosova e zhvillon më 12 janar ndaj Suedisë në Katar.

TABELA AKTUALE

Lajmi u bë i ditur nga faqja e klubit suharekas në Facebook, ndërsa lista e plotë e përzgjedhësit zvicran nuk është publikuar ende.