PYETJET E CAS-it
Pyetjet e fitores!
12 July, 2015 @10:31
Martin Atkinson, referi anglez që ndante drejtësinë në ndeshjen Serbi-Shqipëri, derisa u ndërpre ajo, bëhet të ketë qenë arsyeja e fitores së Shqipërisë ndaj Serbisë në CAS.
Kjo, pasi që janë zbardhur pyetjet dhe përgjigjet e CAS-it në dëgjim të Atkinsonit, njofton Panorama Sport sot.
CAS: U komunikuat futbollistëve të Shqipërisë se ndeshja mund të vazhdohej në kushte të pranueshme sigurie dhe se ata duhet të rikthehen në fushë?
Atkinson: I pyeta nëse ata mund të vazhdojnë lojën dhe më komunikuan se nuk ishin në gjendje të bëjnë një gjë të tillë.
CAS: Fishkëllyet në tunel për të njoftuar rifillimin e ndeshjes?
Atkinson: Jo.
CAS: Pritët nëse një prej ekipeve do të shkonte me ju në mesin e fushës?
Atkinson: Shkuam së bashku me futbollistët e Serbisë.
CAS: Pritët 15 minuta që ekipi tjetër të futej?
Atkinson: Jo.
CAS: Mendoni se keni zbatuar procedurën me saktësi dhe urdhëri për të rifilluar lojën ka qenë i qartë?
Atkinson: (ulë kokën dhe nuk përgjigjet).
