Darmian zyrtarizohet te Man Utd

Italiani Matteo Darmian, tashmë është zyrtarizuar edhe nga Manchester United si përforcim i ri në ekip. 

Futbollisti 25 vjeç që mund të luaj në disa pozita mbrojtëse ka të regjistruara 146 paraqitje me Torinon në Serie A, që nga debutimi i tij në vitin 2011 aty. Ai ka gjithashtu 13 paraqitje edhe me kombëtaren italiane, Azzurrët. 

“Kjo do të thotë që të realizohet ëndrra. Ardhja në Manchester United. E falenderoj çdokë në Torino që më ka ndihmuar të bëhem ky që jam,” ka thënë ndër të tjera Darmian gjatë prezentimit të tij, transmeton faqja zyrtare e klubit anglez, manutd.com.