Rama e Basha për debutim

Në listën e trajnerit italian Gianni De Biasi janë përfshirë 25 futbollistë që do t’i përfaqësojnë ngjyrat kuqezi në ndeshjen kualifikuese për Kampionatin Botëror kundër Norvegjisë, dhe miqësoren kundër Lituanisë.

Për herë të parë ftesës së italianit i janë përgjigjur edhe mesfushori i Torinos, Migjen Basha dhe mesfushori i Valladolidit, Valdet Rama, të cilët do të kenë rastin të debutojnë në këto dy ndeshje.

Në kombëtare janë rikthyer edhe Hamdi Salihi dhe Jahmir Hyka, ndërsa surprisë ishte ftesa e mbrojtësit 19 vjeçar të Empolit, Elseid Hysaj.

Kuqezinjtë, të cilët sot janë grumbulluar për herë të parë para dy sfidave të rëndësishme, më 22 mars do të luajnë kundër Norvegjisë në kryeqytetin e këtij shteti, ndërsa katër ditë më vonë do ta kenë testin kundër Lituanisë në stadiumin Qemal Stafa të Tiranës.

Lista e De Biasit