Sneijder, mesazh Mourinhos

Njëri ndër arkitektët e fitores së Galatasarayit ndaj Kayserisporit në fundjavë, Welsey Sneijder, i ka dhënë mesazh trajnerit të Real Madridit, Jose Mourinho, që kishte udhëtuar në Kayseri për të shikuar për së afërmi kundërshtarin e Ligës së Kampionëve. 

“S’e kisha parë moti. Kemi kaluar mirë një kohë, kur fituam Ligën e Kampionëve ndaj Bayern Munchenit. Më vjen mirë që e pashë. Ia dhashë mesazhin: Kujdes!” ka thënë Sneijder pas ndeshjes, raporton Marca spanjolle. 

Lajmi më i keq për Galatasarayin në ndeshje, ka qenë lëndimi i Hamit Altintopit i cili u largua nga fusha në minutën e 20-të dhe pritet të shihet se sa do të mungojë. 

Galatasaray mposhti Kayserisporin 3-1 si mysafir ku Sneijder shënoi golin e parë, ndërsa Burak Yilmaz dy të tjerat. Real Madrid dhe Galatasaray do të takohen në çerekfinale të Ligës së Kampionëve.