Vuajnë për planin ‘B’

Futbollisti më i mirë në botë Lionel Messi i është përgjigjur kritikave për ndeshjet e humbura të Barcelonës ndaj Milanit dhe Real Madridit, me golat e tij gjatë javës së fundit. 

Mirëpo, në një bisedë me TyC ai ka thënë se mungesa e një plani ‘B’ për Barcelonën ndaj ekipeve që qëndrojnë mbrapa dhe mbrohen u ka kushtuar shumë në të kaluarën. 

“Ekipet që rrijnë mbrapa dhe vetëm mbrohen janë munduar të na shkaktojnë probleme dhe na kanë eliminuar nga garat disa herë. Kjo na ka bërë të paguajmë shtrenjtë mungesën e një plani ‘B’ gjatë ndeshjes,” ka thënë sulmuesi argjentinas. 

“Ekipet si Chelsea e Inter më parë, ndërsa këtë stinor Milan dhe Real Madrid - kanë luajtur lojën e njejtë,” ka thënë ndër të tjera Messi. 

Barcelona është eliminuar nga Kupa e Mbretit në gjysmëfinale nga Real Madridi, ndërsa ka arritur të rikthejë disavantazhin prej dy golave ndaj Milanit në Ligën e Kampionëve për të kaluar në çerekfinale të kësaj gare.