Reja do të ndërrojë rreshitimin, në sulm për fitore

Për shkak të rëndësisë së madhe të ndeshjes dhe nevojës së Shqipërisë për fitore, pasi që është i vetmi opsion për të shpresuar në krye të renditjes, Edoardo Reja pritet të ndërrojë formacionin e zakonshëm 3-5-2 të kuqezinjëve në duelin e nesërm ndaj Izraelit.

Përballja zhvillohet nesër në mbrëmje, 24 shtator, me fillim prej orës 20:45 në Bloomfield të Tel Avivit. Shqipërisë i nevojitet fitorja për të marrë shpresuar që të fitojë grupin, pasi që ndeshjen e fundit e zhvillon ndaj Islandës në shtëpi, më 27 shtator.

Kështu, sipas mediave tiranase që po përcjellin nga afër stërvitjet e kombëtares dhe planet e Rejës sipas lojtarëve në dispozicion pritet që tekniku italian të mos përdorë më formacionin 3-5-2 por të dalë në 4-3-1-2.

TABELA, REZULTATET dhe ORARI I NDESHJEVE

Sipas kësaj, Panorama Sport, ka bërë të ditur se rreshtimi 4-3-1-2 në këtë ndeshje do të jetë plotësisht ofanziv, pasi që kuqezinjëve nuk i konvenon asnjë rezultat tjetër pos fitores ndaj izraelitëve.

FORMACIONI I MUNDSHËM I SHQIPËRISË (4-3-1-2):

Portier: Etrit Berisha;

Mbrojtës: Ardian Ismajli, Fred Veseli, Ivan Balliu, Elseid Hysaj;

Mesfushorë: Klaus Gjasula, Amir Abrashi, Kristjan Asllani;

Mesfushor ofanziv: Nedim Bajrami;

Sulmues: Armando Broja, Sokol Cikalleshi.