XAVI
REUTERS
Rikthimi historik
12 March, 2013 @11:34
Humbja e Barcelonës ndaj Milanit 0-2 në ndeshjen e parë të 1/8 së finales së Ligës së Kampionëve, ka thyer katalonasit keq. Pas kësaj ata kanë humbur edhe dy ndeshje tjera nga Real Madridi, duke mos pasur as paraqitje të kënaqshme.
Historikisht shikuar, Barcelona asnjëherë nuk ka arritur kundërshtarin që ka qenë në epërsi 2-0 nga ndeshja e parë. E kjo ka qenë tema me të cilën është marrë Xavi Hernandez në konferencë për shtyp para ndeshjes.
“Kësaj Barcelona i mungon vetëm rikthimi historik. Të gjitha gjërat tjera i kemi arritur. Kështu që sonte e kemi rastin që të bëjmë këtë,” ka thënë mesfushori 33 vjeçar para ndeshjes, që ende nuk është konfirmuar nëse do të paraqitet në ndeshjen e sontme.
FAKT:
| Barcelona asnjëherë në histori nuk ka arritur të rikthejë disavantazhin prej 2-0 në ndeshjen e kthimit. |
