MBRETËRIT MARSHOJNË TUTJE
Rodrygo siguron gjysmëfinalen për Real Madridin
18 April, 2023 @22:57
Chelsea është eliminuar nga Liga e Kampionëve, ndërsa Frank Lampard ka mbetur pa fitore ende prej se u emërua trajner i përkohshëm i ekipit deri në fund të këtij stinori, pasi që Real Madrid pas fitores 2-0 në Bernabeu, ka fituar sonte edhe në Stamford Bridge 0-2!
Të dy golat për madrilenët në pjesë të dytë i ka shënuar braziliani Rodrygo, ndërsa me rezultat të përgjithshëm prej 4-0 madrilenët shkojnë në gjysmëfinale ku presin fituesin e duelit Bayern - Manchester City. Real Madrid është kampion aktual i Evropës dhe është në rrugë të mirë për mbrojtjen e titullit.
