AMIR RRAHMANI
Rrahmani: Barazimi po na zhgënjen edhe ndaj Danimarkës
21 March, 2019 @21:54
Qendërmbrojtësi kosovar, Amir Rrahmani, pas ndeshjes me Danimarkën tha se pavarësisht forcës së kundërshtarit, mos fitorja po shkakton zhgënjim tek lojtarët.
“Nuk e filluam mirë ndeshjen. Danimarka e kishte posedimin në fillim dhe rrezikonin me sulme e kundërsulme. Por më pastaj e morëm veten dhe luajtëm më mirë. Ne po luajmë me ekipin e dhjetë në botë dhe në fund po zhgënjehemi për barazim. Kjo është mirë, sepse po reagojmë në mënyrë të mirë. Shpresoj të fitojmë kundër Bullgarisë dhe mos të pësojmë gola ndaj tyre,” tha ai.
Rrahmani ishte njëri prej dy golashënuesve të Kosovës në këtë ndeshje, duke shënuar me kokë në minutën 42’.
