Eriksen: Rezultat jo i keq, Kosova ka kualitet

Golashënuesi i parë i Danimarkës sonte, ylli Christian Eriksen, tha fjalë të mira për Kosovën pas ndeshjes.

“Kemi qenë në disavantazh 1-2 deri 5 minuta para fundit, prandaj nuk mund të them që ishte rezultat i keq për ne. Para ndeshjes menduam që do të fitonim, mirëpo e dinim që Kosova ka lojtarë të mirë dhe kualitativ.

A mund të jetë Kosova befasi në kualifikime? Padyshim që po. Do t’i tregoj shokëve që luajnë për Anglinë për Kosovën dhe për lojën e saj të mirë.” - u shpreh Eriksen për Supersport pas ndeshjes.

Kujtojmë që ndeshja e zhvilluar sonte ishte një miqësore, derisa kampanjën kualifikuese drejt EURO2020 Kosova e fillon pas pak ditëve me ndeshjen ndaj Bullgarisë në Prishtinë