EURO 2024
Fotot: DFB
Gjermania prezanton logon e EURO 2024
5 October, 2021 @20:57
Kampionati Evropian i radhës siç dihet do të mbahet në Gjermani në vitin 2024, ndërsa Federata Gjermane e Futbollit (DFB) ka publikuar dhe prezantuar logon e kampionatit.
Gjermania është përfaqësuesja e vetme e sigurt në EURO 2024 si vendase - organizatore, ndërsa kualifikimet për do të zhvillohen prej marsit të vitit 2023 deri në mars të vitit 2024, ku gjithashtu do të lidhen edhe me mundësitë e kualifikimit nga Liga e Kombeve.
DFB në shpjegimin e dhënë ka shkruar se llogoja e turneut është si inspirim prej ngjyrave dhe flamujve të 55 anëtareve të UEFA-së, që shkojnë me kombinime të ndryshme radhazi, duke reflektuar dukjen e Olympiastadion.
Qytetet ku do të luhen ndeshjet e EURO2024 janë: Berlin, Köln, Dortmund, Dusseldorf, Frankfurt, Gelsenkirchen, Hamburg, Leipzig, Munich dhe Stuttgart.
