Challandes: I kënaqur me ndeshjen, mbesim “me këmbë në tokë”

Përveç Ujkanit, pas ndeshjes për Supersport foli edhe Bernard Challandes, përzgjedhësi i Kosovës.

“Jam shumë i kënaqur me performancën e skuadrës. Zhvilluam një paraqitje solide ndaj një kundërshtari mjaft të fortë dhe natyrisht se jam i kënaqur.

EURO 2020 - KUALIFIKIMET

Faza defansive ishte në nivel dhe kjo ndeshje na mëson se mund të ndëshkohemi edhe nga gabimet më të vogla. Jemi duke u rritur dhe duhet të mbesim me këmbë në tokë, por edhe përfaqësueset e tjera duhet të kenë respekt për Kosovën.

Lojtarët mund të jenë pak të dëshpëruar pasi që kishim epërsi 1-2 deri në fund dhe nuk fituam, mirëpo une koncentrohem te paraqitja dhe jam mjaft i lumtur.” - shprehet Challandes, si gjithnjë modest, pas ndeshjes.