Rutinore për Bayernin

Iu deshën 54 minuta kryesuesve të Bundesligës për të gjetur rrugën drejt rrjetës. Lewandowski e kontrolloi mjaft bukur me gjoks një top të ardhur nga Vidal dhe mposhti portierin kundërshtar, i cili më shumë e kishte mendjen të ankohej tek anësori për pozicion jashtë loje sesa të bënte punën e tij.

10 minuta më vonë erdhi edhe goli i dytë i Bayernit, përsëri me të njejtin autor. Lewandowski regjistroi golin e tij të 27-të të sezonit duke shfrytëzuar më së miri një tjetër krosim, këtë radhë të ardhur nga Rafinha nga krahur tjetër i fushës.

Pas 10 minutash të tjera ishte radha e kilianit Vidal për të shënuar emrin e tij në listën e golashënuesve të sotëm. Pas një depërtimi të Riberysë, Vidal u gjend i lirë para porte dhe nuk e pati të vështirë të shënonte.

TABELA AKTUALE

Bavarezëve nuk iu desh të harxhonin shumë energji të mposhtnin kundershtarin e sotëm. Fitoja e sotme 3-0 i afron ata edhe më shumë me titullit e katërt radhazi në Gjermani. Diferenca në renditje me Dortmundin, që nesër përballet me Hamburgun, rritet në 10 pikë.

Schalke, nga ana tjetër, vazhdon serinë e ndeshje negative dhe i largohet edhe më shumë objektivit të saj për një vend që të çon sezon tjetër në Champions League. Ata kanë pësuar 14 gola në 7 ndeshjet e fundit.