CHISINAU
Salihi shkatërrues, Skënderbeu afër historisë
28 July, 2015 @20:35
Kampioni i Shqipërpisë, Skënderbeu, ka treguar cilësi në Molldavi sot, derisa Hamdi Salihi ka treguar mprehtësinë e tij para portave kundërshtare për t’ia dhënë fitoren e madhe ekipit shqiptar.
Ekipi korçar me lojë të fortë dhe dominuese në pjesë të madhe të ndeshjes edhe pse nuk shënoi në pjesë të parë, në pjesë të dytë tregoi fytyrën e vërtetë dhe shënoi përmes sulmuesit shkodran për t’i dhënë një hap të madh para fazës së fundit kualifikuese për Champions League.
Përndryshe, kjo ka qenë fitorja e parë e Skënderbeut në gara europiane jashtë vendit, pra si mysafir.
Pas ndeshjes së kthimit, nëse nuk ndodh ndonjë befasi e madhe, Skënderbeu do të luaj në Play-Off të Champions League për të kërkuar fazën grupore.
Vetëm me arritjen në Play Off të Ligës së Kampionëve, Skënderbeu do të bëhet ekipi i parë shqiptar që arrin në këtë fazë, derisa aty edhe me humbje do të sigurojë fazën grupore të Europa League.